Comenzamos a visita a parroquia no pobo de Corbelle, un pobo onde están empadroadas 41 persoas. Reunimonos con varios veciños e veciñas no local social onde nos expuxeron a situación actual do pobo, demandas non atendidas, e necesidades en xeral.
Posteriormente percorremos o pobo, un pobo grande pero que por desgraza, e como outros tantos do concello comenza a estar deserto de veciños e veciñas, pois poucas persoas residen a diario.
Unha da demandas plantexadas foi a petición de arranxo da pista que vai cara San Ciprián e que parte xunto a Capela. Xa teñen trasladado esta petición o Sr. Alcalde pero ata agora non foi atendida. Pista transitada para o acceso tamén a moitas fincas.
Tamén se solicita a mellora dalgúns baches existentes na carretera que une o pobo coa nacional de Lugo, onde nos podemos atopar con buratos diante mesmo do local social...
Tamén hai deterioros nesta mesma vía preto da nacional, e ademáis existe un punto onde as augas das choivas fan que se arrastre terra cara a via ocasionando inconvenientes os conductores, que se poderían solucionar coa mellora das cunetas.
A situación do parque infantil do centro do pobo tamén é mellorable....
Interesamonos tamén pola recente obra de abastecemento de auga feita polo concello, onde poidemos comprobar a correcta ubicación dos contadores nas vivendas.
O cercano pobo de Vilar de Corbelle onde hai 4 veciños empadroados non nos desprazamos xa que recentemente estivemos nel durante a campaña pasada de autonómicas e xa tivemos conversa con algúns dos veciños que alí residen, demandando un arranxo no asfaltado da deteriorada via de acceso o centro do pobo, así como da limpeza das beirarúas.
Finalmente visitamos Gueral, donde temos empadroadas a 29 persoas, onde tamén percorremos o pobo acompañados de algúns veciños que nos fixeron chegar demandas que enumeramos seguidamente:
Solicitan o cambio no apagado do alumeado público, solicitase que se encenda de novo a da carretera diante das escaleiras que suben cara o pobo e se apague a seguinte neste mesmo camiño, dado que polas escaleiras e por onde acceden por exemplo dende a parada cercana de autobús.
Neste mesmo camiño que vai cara o pobo solicitase un arranxo dado que os veciños indican que agora coas xeadas e humidades existentes faise resbaladizo e moi perigoso para unha caída, mesmo algunha veciña tivo que deixar de usalo e rodear pola outra entrada do pobo por ese medo a unha caída onde poida facerse dano.
Nesta mesma zona amosamos o estado mellorable do lavadoiro...
Tamén se solicita o arranxo da marquiña da parada do autobús que ten un dos cristais rotos e está no chan co perigo que eso supón.
Estas necesidades son en liñas xeraís as demandas polos veciños desta parroquia, demandas asumibles polos responsables municipais, os cales llas faremos chegar a través das canles axeitadas.
Agardamos pois, solucións a estes problemas expostos.
GRACIAS A TOD@S POLA VOSA COLABORACIÓN ¡¡
SEGUIMOS A VOSA DISPOSICIÓN E TRABALLANDO PARA A VECIÑANZA ¡¡
No hay comentarios:
Publicar un comentario